الحكاية..............................(3)
......................
مين يسجلى الحكاية
و مين يسلفنى كلام
نفسى اكتب ف المشاعر
بس قلبى
انشل من كتر الآلام
للقصايد طعم دالع
بعد هجرك دون عتاب
من ساعتها قلبى اخرس
حتى ضى الشمس غاب
بصنع الشعر بغلاسة
المسه يصبح تراب
للمعاني طعم هارب
بسجنه ف سور الكتاب
زى نجمة و بتشاور لي
مشنوقة ف حبال الضباب
كنت ف أحضانك بعارك
و اتجه عكس المسار
كنت بدلل ف ذلك
ماعترفش باعتذار
بعد هجرك
بتلف ف قصايدى الاليمة
و لسه بقلع ف اللى فات
فينها ايامنا القديمة
عايزة منها كتير حجات
ريقى بعدك كله حنضل
بس بقدر انى اضحك
لسه بضحك
رغم بتقلى ف عذابك
إلا انى لسه عاشقة
و لسه بتيمم ترابك
مد ايدك احتضنى
قولى انى بعد هجرى
جف صبرى و اعتزلنى
و تبقى دى هى البداية
مين يسجلى الحكاية
و مين يسلفنى الكلام
من فضلك اضف تعليق يهمنا اقتراحاتكم