( مدد روحك ) ..................(7)
انا عشقي ف مدد روحك
كما درويش ف قلب الحضرة
كده هيمان
أكون فايق و ك السكران
و عينى تسرقك م الكون
فاخبيكى ف احضانى
و ما يدرى انا منجى ولا جاني
انا عشقى ف مدد روحك
كأمسية معادها كل طلعة فجر
و انشدلك ف كل الشعر
اوصفلك ف شوق قلبى
و احكيلك روايتي
بنظرة ف جفونك
و ف عيونك هساجل
ميت مربع واو
و اكتبلك من الموال
معاني جناسها جوايا
و أعملك دراسة لقلب كان
نفسه يقول درسه
لكل مسامع العشاق
مانا بشتاق و انتى معايا
ف احضانى
انا عشقي ف مدد روحك
نهايته قودة على أيدك
ياما تصبى و اتوضى
حلا ريقك
ياما يكون
غسلى جوا ابر يقك
من فضلك اضف تعليق يهمنا اقتراحاتكم